AutoGo

Үйлчилгээний нөхцөл

Хүчинтэй огноо: 2026-09-17 · Хувилбар 1.0

Энэ нөхцөл нь AutoGo аппликейшныг ашиглахад хамаарна. Апп-д бүртгүүлж, нэвтэрснээр та энэ нөхцөлийг хүлээн зөвшөөрсөнд тооцогдоно.

1. Үйлчилгээ үзүүлэгч

AutoGo аппликейшныг Гэрэгэ системс ажиллуулна.

2. Апп юу хийдэг вэ, юу хийдэггүй вэ

AutoGo нь таны машинтай холбоотой үйлчилгээг нэг дор цуглуулж, тэдгээрт хүрэх сувгийг бий болгодог платформ юм: даатгалын бүтээгдэхүүн худалдан авах, торгууль, татвар, замын хураамж шалгаж төлөх, тээврийн хэрэгслийн зах зээлийн үнэ тооцоолох, хохирлын урьдчилсан үнэлгээ хийлгэх, ослын үед шаардлагатай дугаар, мэдээлэл авах.

3. Бүртгэл

• Бүртгэл нь таны утасны дугаар эсвэл имэйл хаягт холбогдоно. Нэг хүн нэг удаад нэг төхөөрөмж дээр нэвтэрнэ.
• ПИН кодоо бусдад задруулахгүй байх үүрэгтэй. Таны төхөөрөмжөөс хийгдсэн үйлдлийг та хийсэн гэж үзнэ.
• Оруулсан мэдээлэл үнэн зөв байх үүргийг та хүлээнэ. Худал мэдээлэл дээр үндэслэн байгуулсан даатгалын гэрээ хүчингүй болох эрсдэлтэй бөгөөд энэ үр дагаврыг даатгалын компани тогтооно.
• Бусдын (гэр бүлийн гишүүн, жолооч) мэдээллийг оруулахдаа тэднээс зөвшөөрөл авсан байх ёстой.

4. Төлбөр

• Төлбөрийг QPay болон банкны системээр дамжуулан хийнэ. Картын мэдээлэл апп-д хадгалагддаггүй.
• Даатгалын хураамжийн хэмжээ, нөхцөлийг даатгалын компани тогтооно.
• Төлбөр амжилтгүй болсон тохиолдолд гэрээ хүчин төгөлдөр болохгүй.
• Буцаалтын журам нь тухайн даатгалын компанийн нөхцөлөөр зохицуулагдана.

5. Үнэлгээ, тооцоолол

Апп дээр гарах машины зах зээлийн үнэ, хохирлын урьдчилсан үнэлгээ зэрэг нь тооцоолол бөгөөд албан ёсны үнэлгээ, эсвэл нөхөн төлбөрийн амлалт биш. Эцсийн дүнг эрх бүхий үнэлгээчин болон даатгалын компани тогтооно.

6. Хиймэл оюун ухаанд суурилсан туслах

Апп доторх туслах нь хиймэл оюун ухаанд суурилсан бөгөөд алдаатай хариулт өгч болно. Түүний хариулт нь албан ёсны зөвлөгөө, даатгалын шийдвэр, хууль зүйн тайлбар биш. Таны бичсэн мессеж гуравдагч талын үйлчилгээ рүү илгээгддэг — дэлгэрэнгүйг нууцлалын бодлого-ын 6 дугаар хэсгээс уншина уу. Буруу хариулт илэрвэл апп дотроос мэдээлнэ үү.

7. Хориотой үйлдэл

• Бусдын нэрийн өмнөөс зөвшөөрөлгүй үйлдэл хийх.
• Худал мэдээлэл, хуурамч баримт, засварласан зураг оруулах.
• Системд зөвшөөрөлгүй хандах, автоматжуулсан хэрэгслээр ачаалал өгөх, бусдын мэдээлэл цуглуулах оролдлого.

Эдгээрийг зөрчсөн тохиолдолд бүртгэлийг түр болон бүрмөсөн хаах эрхтэй.

8. Хүртээмж

Апп нь төрийн бүртгэл, даатгалын компани, банк, төлбөрийн системүүдтэй холбогдож ажилладаг. Эдгээрийн аль нэг нь ажиллахгүй болсон үед тухайн үйлчилгээ түр боломжгүй байж болно. Бид тасралтгүй ажиллагааг баталгаажуулж чадахгүй.

9. Хариуцлагын хязгаар

Хууль зөвшөөрөх хэмжээнд AutoGo нь дараах зүйлд хариуцлага хүлээхгүй: гуравдагч талын систем (төрийн бүртгэл, даатгалын компани, банк, төлбөрийн үйлчилгээ) ажиллаагүйгээс үүдсэн сааталт, тэдгээрээс ирсэн буруу мэдээлэл, таны оруулсан буруу мэдээллээс үүдсэн үр дагавар, мөн хиймэл оюуны туслахын хариултыг албан ёсны зөвлөгөө мэтээр ойлгож үйлдсэнээс үүдсэн хохирол.

10. Бүртгэл устгах

Апп дотроос Профайл → Бүртгэл устгах хэсгээр устгуулна. 30 хоногийн хүлээлгийн хугацаа, устгагдах болон хадгалагдах мэдээллийн жагсаалтыг нууцлалын бодлого-ын 10 дугаар хэсэгт бичсэн. Бүртгэл устсан ч аль хэдийн байгуулагдсан даатгалын гэрээ хүчинтэй хэвээр байна.

11. Нөхцөл өөрчлөгдөх

Нөхцөлд өөрчлөлт оруулбал энэ хуудсан дээр шинэ хувилбар, огнооны хамт нийтэлнэ. Томоохон өөрчлөлтийг апп дотор мэдэгдэж, дахин зөвшөөрөл авна.

12. Хэрэглэх хууль, маргаан шийдвэрлэх

Энэ нөхцөлд Монгол Улсын хууль тогтоомж үйлчилнэ. Үүссэн аливаа маргааныг талууд эв зүйгээр, хэлэлцээрийн замаар шийдвэрлэхийг эрмэлзэнэ. Тохиролцоонд хүрээгүй тохиолдолд Монгол Улсын шүүхээр шийдвэрлүүлнэ.

Даатгалын гэрээтэй холбоотой маргаан нь таны болон тухайн даатгалын компанийн хоорондын харилцаа бөгөөд уг гэрээнд заасан журмаар шийдвэрлэгдэнэ.

13. Холбоо барих